Putin fer ikki á veðurlagsráðstevnu

Russiski forsetin, Vladimir Putin, fer ikki til Glasgow á COP26-ráðstevnu. 

Tað boðar Kreml frá. 

Tað er stórt afturstig fyri Bretland, sum vónaði at gera stór framstig á veðurlagsráðstevnuni, og at fáa verðurlagsavtalu við ríkisleiðararnar í lag.

Ríkisleiðarar úr øllum heiminum hittast á COP26 at tosa um æltanir at handfara veðurlagskreppuna.

Putin segði í síðstu viku, at hann sleppur ikki á ráðstevnuna, og vísir á kornustøðuna í landinum.

Í samrøðu við CNBC segði Putin, at Russland framvegis tekur lut í arbeiðnum hjá COP26, og tekur skerjingina av co2-útlátinum í álvara, og fer tí at senda eina sendinevnd við 200 fólkum til Glasgow.

Xi Jinping kemur heldur ikki

Kinesiski forsetin, Xi Jinping, verður heldur ikki við á ST-veðurlagsráðstevnuni í Skotlandi.

Bretland er vertur fyri 26. ráðstevnuni um veðurlagsbroytingar, COP 26, sum verður í Glasgow frá 31. oktober til 12. november.

Kinesiski forsetin hevur boðað frá, at hann kemur ikki til Glasgow.

Blaðið skrivar, at henda avgerðin hevur fingið tey, sum leggja ráðstevnuna til rættis, at stúra fyri, at Kina fer ikki at góðtaka, at málsetningurin í veðurlagsmálum verður broyttur.

Meiri enn 100 ríkis- og stjórnarleiðarar vera við á veðurlagsráðstevnuni.

Sambært París-avtaluni, sum varð gjørd í 2015, skulu heimsins lond fimtahvørt ár herða málini fyri CO2-útlát.