Báðir partar góðtóku semingsuppskotið

Bæði Bioanalytikarafelagið og Lønardeildin góðtóku semingsuppskotið, sum var lagt fyri partarnar í dag.

Partarnir skrivaðu undir nýggja sáttmálan fyri løtu síðani, upplýsir Terje Sigurðsson, semingsmaður.

Sáttmálin er galdandi í tvey ár, og semjan ber í sær, at serliga leiðararnir í Klaksvík og í Suðuroy fara nakað upp í løn, sigur Lív Østerø, forkvinna í Bioanalytikarafelagnum. Hon ikki vil siga meira um sáttmálan, fyrr enn limirnir eru kunnaðir.

Bioanalytikarafelagið hevur umleið 40 limir.

Hetta var fyrsta semingsuppskotið í nýggja skeiðnum hjá Semingsstovninum og fyrsta semingsuppskotið hjá Fróða Sivertsen, sum nú er semingsmaður saman við Terja Sigurðsson.