Rættarnevndin fær longda freist

Rættarnevndin hjá løgtinginum er ikki liðug við uppskotið hjá løgmanni um útlendingar, sum vilja keypa fastogn í Føroyum.

Nevndin hevur tí biðið um og fingið freist til 4.november at koma við áliti.

Fyrsta viðgerð var í tinginum 9.september.

Rættarnevndin hevur viðgjørt málið á fýra fundum.

Nevndin hevur tosað við løgmann, landsstýrismannin í umhvørvis- og vinnumálum, Tinglýsingina, fyritøkuna Mark, Kommunfelagið og Bárð Larsen, útbúgvingarleiðara í løgfrøði á Fróðskaparsetrinum.