Facebook eitur nú Meta

Móðurfelagið, sum eigur Facebook, broytir navn frá Facebook, Inc. til Meta. 

Sjálv Facebook-appin skiftir ikki navn, men heldur fram sum eitt brand undir Meta. 

"Nú eru vit eitt metavers og ikki Facebook. Við tíðini fert tú ikki at hava tørv á Facebook fyri at brúka hinar tænasturnar hjá okkum," segði Mark Zuckerberg. 

Zuckerberg eigur eisini Instagram, Messenger og WhatsApp. 

Facebook í mótvindi

Navnabroytingin var væntað og kemur, samstundis sum Facebook hevur verið í mótvindi. 

Eitt nú hevur whistleblowarin, Frances Haugen, likið nógv skjøl til fjølmiðlar. 

Haugen hevur eitt nú lagt Facebook undir at vita, at teirra algoritmur eru beinleiðis skaðiligar fyri serliga børn og ung og serliga ungar gentur.

Mark Zuckerberg heldur tó ikki, at lýsingin hjá Haugen av hansara fyritøku er umboðandi.