- Tíðindi, mentan og ítróttur
Rúsevnamál fyri rættin

Tveir menn verða í næstum í Føroyarætti ákærdir fyri fleiri brot á rúsevnalógina.
8. januar í ár skulu teir, saman við øðrum, hava fingið, goymt og havt um hendið 1590 gram av amfetamini, umleið 177 gram av ketamini og góð 400 gram av hasji.
Sambært ákæruritinum var hetta við sølu fyri eyga.
11. januar skulu teir aftur hava roynt at fingið hendur á rúsevnunum, men tá hevði politiið býtt rúsevnini um við eftirgjørd rúsevni.
Ein av teimum báðum monnunum er haraftrat ákærdur fyri onnur lógarbrot. Millum annað uppaftur fleiri brot á rúsevnalógina, harskap móti politifólkið, umframt brot á vápnalógina undir skerpaðum umstøðum, tá hann skal hava haft eina avsagaðað høglbyrsu og patrónir um hendi.
Rættarmálið móti teimum báðum monnunum byrjar 8. november.
Føroya rættur hevur sett fýra dagar av til málið.



























