Seks kommunulæknar eru 65 ár og eldri

Seks kommunulæknar í Føroyum eru 65 ár ella eldri.

Yngsti kommunulæknin er 38 ár og tann elsti 68. 12 kommunulæknar eru eldri enn 50 ár. 

1.november vóru 26 kommunulæknar í føstum starvi. Avloysarar mannaðu átta viðtalur.

Tað sigur Heilsumálaráðið í skrivi til Fíggjarnevndina hjá løgtinginum.

Endurskoða kommunulæknaskipanina

Sagt verður eisini, at Heilsumálaráðið hevur higartil í hesum samgonguskeiðinum ikki havt orku til at arbeiða við  kommunulæknaskipanini, sum skal endurskoðast. 

Ætlanin er at fara undir hetta arbeiðið í næstum, sigur Heilsumálaráðið. 

Seks ungir læknar eru í KBU-skipanini (KBU stendur fyri klinisk basisuddannelse) hjá kommunulæknum. 

10 læknar eru í útbúgving í almennum medisini, tað er til kommunulækna.