Eykajáttan til farsóttartilbúgving og at kanna ferðandi

Eykajáttan til farsóttartilbúgving og at kanna ferðandi
Umbønin kom í tingið í gjár, og uppskotið kemur til fyrstu viðgerð í morgin
Koronusmittan er vaksin, og tí er neyðugt við einajáttan til farsóttartilbúgvingina, sigur landsstýrið.
Mynd: Bjarni Árting Rubeksen  
 
17.11.2021 - 08:26

Landstýrið biður nú løgtingið um eykajáttan, sum hevur sjey mió. kr. í halli.

Umbønin kom í tingið í gjár.

Jørgen Niclasen, landsstýrismaður í fíggjarmálum, sigur í eykajáttanaruppskotinum, at av tí at koronusmittubylgja herjar í løtuni, er neyðugt at styrkja farsóttartilbúgvingina við fimm mió. kr. og at brúka tvær mió. kr. aftrat at kanna ferðandi til Føroya.

Higartil í ár eru játtaðar átta milliónir kr.til farsóttartilbúgving, men nú verður mett, at tørvur verður á í alt 13 mió. kr., av tí at farsóttin av álvara hevur tikið seg uppaftur.

Av hesum verður væntað, at um fýra milliónir verða brúktar aftrat í ár til sóttarhaldsstøð og tílíkt, meðan kanningar og annað at avmarka smittu kostar eina millión aftrat.

Meira til fyrisiting og læknar

Virksemi til fyrisiting, til læknar, ráðgeva og lýsingar í sambandi við koppseting er eisini økt og fer at kosta eina millión aftrat í ár, og so hevur virksemi hjá løgmansskrivstovuni, TAKS og Arbeiðseftirlitinum eisini tørv á einari millión aftrat.

Samlaða eykajáttanaruppskotið hevur útreiðslur fyri 13 mió. kr. men av tí at seks millonir fleiri enn væntað eru komnar inn fyri gjald til koronukanningar, gevur úrslitið eitt nettohall upp á sjey mió. krónur.

Uppskotið kemur til 1. viðgerð í tinginum í morgin.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592