Tingið viðger eykajáttan til farsóttartilbúgving

18.11.2021 - 11:08
AktueltPolitikkur
Tingið viðger eykajáttan til farsóttartilbúgving
Tingfundur verður klokkan 13
Landsstýrið biður eisini um tvær milliónir kr. aftrat til at kanna ferðandi.
Mynd: Savnsmynd  
 

Løgtingið fer seinnapartin at viðgera uppskotið frá Jørgeni Niclasen, landsstýrismanni, um eykajáttan til farsóttartilbúgving. 

Landsstýrismaðurin sigur, at av tí at koronusmittan er vaksin, er neyðugt at styrkja tilbúgvingina við fimm milliónum krónum. Eisini verður biðið um tvær milliónir kr. til at kanna ferðandi til Føroya. 

Tingið fer eisini at atvøða um eitt uppskot frá landsstýrinum at gera Føroya Kærustovn sum sjálvstøðugan og óheftan myndugleika. Samstundis skulu tær 11 kærunevndirnar takast av eftir tveimum árum.

Eisini fyri dómsvaldið

Uppskotið hevur verið til viðgerðar í rættarnevndini, og meirilutin í nevndini, samgonguflokkarnir, skjýtur upp, at mál, sum eru avgreidd í kæruskipanini, eisini kunnu leggjast fyri dómsvaldið.

Annika Olsen í Fólkaflokkinum hevur boðað frá einum skrivligum fyrispurningi til Magnus Rasmussen, landsstýrismann, um útboð av stórhøll, sum skal svarast í tinginum. Hon spyr, um tað ber til hjá einari kommunu at seta 100 milliónir kr. í eina verkætlan, uttan at hon verður boðin út.

Tingið fer á fundinum í dag at atkvøða, um fyrispurningurin skal svarast.

Tingfundurin í dag verður klokkan 13.

Er kopiera
Nýggjastu sendingar í ÚV
Hósdag 20. januar
RagnarRokk 20. januar 2022
133821
Hósdag 20. januar
RagnarRokk: Gary Shea um V
133820
Hósdag 20. januar
Mono: Sam Phillips - 2. partur
134363
Hósdag 20. januar
Danssival - Leon Johannesen er gestur
134348
Nýggjastu sendingar í SV
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883
Mánadag 17. januar
3-2
134193