Fer at hava 200.000 kr. í vinningi um árið

Fer at hava 200.000 kr. í vinningi um árið
Fíggjarnevndin hevur fingið fíggjarætlan fyri Føroya Arenu
Fíggjarætlanin vísir, at stórhøllin í Havn fer at hava 4,5 mió. kr. í inntøku um árið, og útreiðslurnar vera 4,3 mió. kr.
Mynd: Tórshavnar kommuna  
 
06.12.2021 - 08:26

Føroya Arena í Havn fer at hava slakar 200.000 kr. í vinningi um árið.

Tað vísir fíggjarætlanin hjá tiltakinum, sum millum annað Fíggjarnevndin hjá løgtinginum hevur fingið.

Inntøkan verður 4,5 mió. kr. og útreiðslurnar 4,3 milliónir. Tá er góð hálv millión, sum skal í ein viðlíkahaldsgrunn, tald við.

Ætlanin er fíggja høllina við stuðli, so hon verður skuldarfrí, tá hon verður tikin í brúk seinnapartin í 2023.

Høllin er mett at kosta 217,8 mió. kr. Tórshavnar býrað hevur givið tilsøgn um 108,6 mió. kr. í stuðli.

Hin helvtin av íløguni verður ætlandi fíggjað við stuðli frá landinum, grunnum og vinnufyritøkum, siga tey, sum skipa fyri.
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214