Handverksmeistarar: Lurtað verður ikki eftir elinnleggjarum

Ov lítið verður lurtað eftir teimum, sum fáast við elinnlegging burturav.

Tað sigur Føroya handverksmeistarafelag, sum hevur viðgjørt seks uppskot um kunngerðir, sum byggja á nýggju elinleggingarlógina.

Yvirskipað harmast felagið um, at ikki í nóg stóran mun verður lurtað eftir teimum, sum hava elinnlegging sum sítt virksemi.

Løggilding sum hjávinna

Tað er stórt spell at síggja, at landsstýrið heldur fast um, at frítíðarløggildingar skulu vera, sigur Handverksmeistarafelagið. 

Tað er ótrygt, at fólk bara kunnu fáast við elinnleggingar viðhvørt, sigur felagið.

Hjávinnuløggildingar, sum landsstýrið kallar tær, krevja eisini nógv eftirlit hjá Elnevndini, so hon fer at kosta meira.  

Handverksmeistarafelagið heldur eisini, at elinnleggjarar, sum ikki eru útlærdir elektrikarar, skulu vera í læru í minsta lagi í tvey ár.