Tingið viðger nú uppskotini um sammøður

Løgtingið er farið undir aðru viðgerð av teimum trimum uppskotunum um sammøður, og atkvøtt verður um tey seinni í dag.

Uppskotini hava verið til viðgerðar í trivnaðarnevndini.

Samgonguumboðini í nevndini mæla frá at samtykkja uppskotini.

Tingfundurin í dag kann verða avgerandi fyri samgonguna, tí Miðflokkurin hevur sagt, at atkvøða samgongufólk fyri uppskotunum, er samgongan fokin.

Johan Dahl í Sambandsflokkinum hevur sagt, at hann fer at atkvøða fyri uppskotunum.

Fylg við orðaskiftinum her.