Alilaksur dálkar villan laks

Sloppin norskur alilaksur dálkar nú villa laksin í Svøríki. 

Ílegur frá norskum alilaksi eru funnar í villum laksi í fleiri áum á svensku vesturstrondini. 

Tað skrivar NRK á heimasíðuni. 

Hetta er sera skaðiligt fyri stovnin av villum laksi. 

- Tað er syrgiligt. Vit vita, at tað fær neilig árin á villlaksin, um hann ynglar saman við alilaksinum, sigur Sten Karlsson, sum er seniorgranskari við norska stovnin fyri náttúrugransking. 

Tikið royndir

Granskarar hava nú tikið royndir á svensku vesturstrondini, frá Svinesund norðalaga til Lilla Edet, sum er syðri. Royndirnar vátta tað, ið illgruni leingi hevur verið um: Alilaksurin hevur ynglað við natúrliga laksin í økinum. 

Granskararnir hava kannað bæði vaksnan laks og ungfisk, og í nøkrum førum síggjast nógvar av ílegunum hjá alilaksi – í øðrum førum einki. 

Trupulleikin við alilaksinum er, at hann ikki er vanur við umstøðurnar, sum villi laksurin er vanur við, og tí hevur hann ilt við at klára seg. Men hann klárar af gýta, og tað fer at ávirka villa stovnin, staðfesta granskararnir sambært NRK.