Fólkaheilsustýrið byrjar 1. juli

Lógaruppskotið um Fólkaheilsustýrið er gjørt og sent til hoyringar.

Í september í fjør var ætlan um fólkaheilsustýri latin landsstýrismanninum í heilsumálum. 

Mælt var til, at Fólkaheilsustýrið verður sjálvstøðugur stovnur undir Heilsumálaráðnum. 

Í fyrstu atløgu vera Fólkaheilsuráðið, Ílegusavnið og Deildin fyri Arbeiðs- og almannaheilsu í Fólkaheilsustýrinum. 

Byrja 1. juli

Ætlanin er, sum frálíður, at uppgávur hjá Heilsutrygd, Apoteksverkinum og Sjúkrahúsverkinum skulu flytast til Fólkaheilsustýrið.

Fólkaheilsustýrið, sum skal byrja 1.juli í ár, skal gera tilmæli um ráðlegging í heilsuverkinum, geva heilsufakliga ráðgeving, umsita heilsufremjan og fyribyrging, heilsutilbúgving og Ílegusavnið.

Fólkaheilsustýrið skal eisini útvega hagtøl. Hoyringarfreistin er til 31.januar.