Handaviðgerð: Maður skuldsettur fyri blúnismisbrot

Politiið er nú liðugt at avhoyra mannin, sum eigur fyritøkuna Body EZE, har hann gevur handaviðgerð.

Nú verður málið sent ákæruvaldinum.

12 kvinnur hava meldað mannin, sum nú er skuldsettur fyri blúnisbrot. Hann noktar seg sekan.

Politiið fekk fyrstu fráboðanina um mannin í september í fjør.

Hevur broytt viðgerðirnar

Maðurin segði við Dag og viku herfyri, at hann hevur broytt viðgerðirnar, síðani hann var meldaður.

Lars Fodgaard Møller, landslækni, sigur, at landslæknaembætið hevur ikki eftirlit við fólkum, sum geva viðgerðir av ymsum slagi, og sum ikki eru góðkend. 

Í hesum førinum er talan um viðgerð, sum ikki er góðkend, so hon er ikki undir eftirliti.