Nánd fær dygdarmennara

Jónvør Christiansen er sett sum dygdarmennari í Nánd. 

Nánd er samstarvið innan eldraøkið millum Eysturkommunu og Fuglafjarðar kommunu.

Jónvør hevur starvast á eldraøkinum í Tórshavnar kommunu í fleiri ár, eisini sum dygdarmennari. Seinastu árini hevur hon starvast sum aðalskrivari hjá MEGD.

Jónvør, sum er sjúkrarøktarfrøðingur og master í geriatriskari sjúkrarøkt, byrjar í starvinum 1.apríl. 

Sum dygdarmennari skal hon menna tænasturnar, gera kunnandi tilfar, dagføra og íverkseta mannagongdir og menningarætlanir, og tryggja, at fakligir standardir, leiðreglur og lógir verða fylgdar.