Gevast at kanna við landamarkið 1. februar

Frá 1. februar skulu ferðandi ikki longur lata seg kanna við landamarkið. Tað merkir eisini, at kravið um, at ferðandi skulu rinda 250 krónur við markið fyri kanningina, verður slept.

Kunngerðin var lýst fyrradagin. 

21. desember í fjør var løgtingslóg sett í gildi um tíðaravmarkað avgjald á ferðandi, 12 ár og eldri, við komu til Føroya.

17. januar segði Michael Boolsen, fúti og formaður í farsóttarnevndini, at tað gevur ikki longur meining at kanna við landamarkið, og tí skuldu kanningarnar takast av.

Nú er kunngerðin broytt hesum viðvíkjandi.