Seinasta skotið millum Sandoynna og Streymoynna hósdagin

Tað verður 94 ára gamla Harriet Krog Jensen av Sandi, sum skal skjóta síðsta skotið í Sandoyartunlinum saman við Jørgeni Niclasen, landsstýrismanni í samferðslumálum. 

Hetta kunngerð Jørgen Niclasen á sínum Facebook-vanga. 

Síðsta skotið í Sandoyartunlinum verður hósdagin. 

Sjálvur er Jørgen Niclasen eitt sindur ivasamur, tí hann liggur undir tveimum dýnum við koronu í løtuni, sum hann málber seg. 

"Um mær berst frá, eri eg ikki í iva um, at Harriet klárar skotið sjálv," skrivar Jørgen Niclasen, landsstýrismaður í samferðslumálum, á sínum Facebook-vanga.