Breivik verður ikki royndarleyslatin

Breivik verður ikki royndarleyslatin
Dómstólurin sigur, at hann er framvegis so vandamikil, at hann eigur at verða verandi í fongsli
Anders Behring Breivik skal verða verandi í fongsli, sigur norski dómstólurin.
Mynd: Ritzau Scanpix  
 
01.02.2022 - 15:29

Hópdrápsmaðurin, Anders Behring Breivik, verður ikki royndarleyslatin.

Tað hevur ein norskur dómstólur gjørt av, skrivar norska tíðindastovan, NTB.

Dómstólurin sigur, at Breivik er framvegis so vandamikil fyri samfelagið, at hann eigur at verða verandi í fongsli.

 

Drap 77 fólk

Í 2011 framdi Anders Behring Breivik atsókn at stjórnarbygninginum í Oslo og drap frá hond á oynni Utøya. Tilsamans doyðu 77 fólk.

Árið eftir var hann dømdur 21 ára fongsul. Sambært norskum reglum ber til at søkja um at verða royndarleyslatin, tá tann dømdi hevur sitið 10 ár av dóminum.

Tað gjørdi Anders Behring Breivik eisini, men nú hevur ein dómstólur gjørt av, at hann verður ikki royndarleyslatin.

Randi Rosenqvist, sálarlækni, hevur  kannað Breivik, og hennara niðurstøða er greið:

- Breivik er framvegis ein vandamikil maður. Vandin fyri at hann fremur nýggjar atgerðir er stórur, sigur hon.

Hoyr ljóðbrot her:

 

1506272

 

Skjýtur dómin inn fyri hægri rætt

NRK skrivar nú, at Breivik fer at skjóta dómin inn fyri hægri rætt.

Øystein Storvik, verji, sigur fyri norska kringvarpinum, at hann og Breivik hava gjøgnumgingið dómin, og Breivik sigur, at hann vil sleppa at skjóta dómin inn fyri hægri rætt.

 

 

 

 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214