Tíðindafólk skuldsett í Íslandi

Sonevnda Namibia-málið var nógv umrøtt í fjølmiðlum, og journalistarnir avdúkaðu, at ein av størstu feløgum í landinum, Samherji, var uppi í ivasomum virksemi í Namibia.

Nú hevur íslendska løgreglan skuldsett teir fýra journalistarnar fyri at hava brotið friðin hjá einstaklingum.

Tað skrivar Journalisten.no.

Íslendska journalistfelagið vísur hvassliga skuldsetingum aftur. 

Forkvinnan á Journalistfelagnum, Sigríður Døgg Auðunsdóttir, sigur, at framferðin hjá løgregluni er óskiljandi og ómøgulig at verja, tí almenni áhugin fyri málinum vigar meira enn friður hjá einstaklingum.

Research'ið - graviarbeiðið, stavar frá sms-boðum sum eru likin - helst frá stolnari telefon. 

Tað er tó ógreitt, hvussu journalistarnir fingu hendur á upplýsingum.