Finskir politikarar umrøða NATO-limaskap

Finnland hevur mark til Russlands, sum er 1.340 kilometrar langt, og í dag fara landsins politikarar at umrøða, um teir skulu søkja um limaskap í NATO.

Tað sigur finski forsætisráðharrin, Sanna Marin, við tíðindastovuna, STT.

Umrøðan skal snúgva seg um kríggið í Ukraina, men einki løgið er í, at politikararnir eisini fara at umrøða limaskap í NATO, samstundis, sigur hon.

Meiriluti fyri limaskapi

Fyri fyrstu ferð er fólkið í Finnlandi fyri, at landið skal biðja um limaskap í NATO, skrivar Financial Times.

Finska kringvarpið, YLE, gjørdi eina meiningakanning um finskan limaskap í NATO dagin fyri russisku innrásina í Ukraina.

Tá svaraðu 53 prosent av finska fólkinum, at landið eigur at gerast limur í NATO.