Zelenskij: Vit hava einki at missa

- Vit hava einki at missa, bara okkara frælsi. 

Tað segði Volodymyr Zelenskij, forseti í Ukreina, í eini røðu í dag, eftir at russar hava skotið rakettir nógvastaðni í Ukraina síðani á midnátt

Neyðtænastan í Ukraina boðar frá, at 34 sivilfólk eru deyð seinasta samdøgrið í Kharkiv, næststørsta býnum í Ukraina. Russiskar granatir hava millum annað rakt umsitingarbygningar í býnum.

Men Kharkiv er framvegis á ukrainskum hondum, sigur bretska hernaðarliga fregnaðartænastan.

Oljugoymslan í býnum Tjernihiv, sum er norðalaga í Ukraina, er rakt av loftálopi. Tað boðar neyðtænastan í Ukraina frá.