Skiljirist verður smalari

Víddin millum rimarnar í skiljiristini í trolum verður minkað úr 55 millimetrum niður í 50 millimetrar.

Uppskot um tað er til hoyringar í løtuni.

Við hesum ætlar Fiskimálaráðið, at minni av tí fiski, sum stendur mát, sleppur úr trolinum aftur.

Stórur upsi sleppur úr trolinum

Endamálið við ristini er at skilja ungfiskin frá, so bara tann størri fiskurin kemur í trolposan.

Teir, sum fiska upsa, halda, at skiljiristin er ov víð, og tí sleppur stórur fiskur eisini úr aftur trolinum.

Uppskot er eisini um, at møguligt verður at brúka tvídeilda rist og, at beinleiðis fiskiskapur eftir svartkalva verður undantikin kravinum um rist.