Bretska parlamentið fer møguliga at viðgera springaradrápið

Bretska parlamentið skal taka avgerð, um springaradrápið 21. september 2021 skal viðgerast í parlamentinum.

Tað hevur eydnast Chris Packman, ið er kendur vertur á ymiskum sendingum hjá BBC, at savna 100.000 undirskriftir móti springara- og grindadrápi í Føroyum. 

Chris Packman er av tí áskoðan, at Bretland eigur at seta handilstiltøk í verk ímóti Føroyum, til tess at forða fyri springaradrápi. Føroyar útflyta rættiliga nógvan fisk til Bretlands.

Chris Packman legði eina upptøku á Twitter, har hann tosar ímóti springaradrápi:

Tað fekk beinanvegin talið av mótmælum upp um 100.000, sum er markið fyri, nær bretska parlamentið skal viðgera eitt mál. 

Tað er ikki greitt enn, nær parlamentið fer at viðgera eldfima spurningin, um Føroyar skulu drepa springarar og grind. 

Sambært heimasíðuni plantbasednews, mótmælti bretska stjórnin springaradrápinum 12. september í 2021. Mótmæli lendi í Fiskimálaráðnum. Hesi tíðindini eru tó ikki váttað. 

1428 springarar løgdu beinini í Skálafirði 12. september.