Almannaverkið og eldraøkið: Neyðugt við stórum broytingum

Stórar broytingar mugu til í almannaverkinum og á eldraøkinum, um nóg nógvar hendur skulu vera til at ansa tey yngstu og eldstu í samfelagnum í framtíðini.

Tað stendur í nýggju frágreiðingini "Í góðum hondum", sum varð løgd fram í Norðurlandahúsinum í dag.

27 uppskot

Í frágreiðingini kemur ein arbeiðsbólkur við 27 uppskotum, sum kunnu loysa nakrar av avbjóðingunum í okkara vælferðarsamfelagi í framtíðini.

Í fjør setti landsstýrið ein tvørgeiraligan arbeiðsbólk á embætismannastigi at lýsa trupulleikan við starvsfólkatroti á vælferðarøkinum nærri og koma við boðum uppá, hvat kann gerast fyri at tryggja, at vælferðartænasturnar eisini í árunum, sum koma, kunnu loysast á ein fakliga fullgóðan hátt.

Heri á Rógvi er ein av samskiparunum í arbeiðsbólkinum:

búskaparráðið, Heri á Rógvi,

Heilsuskúlin deild norðanfjørðs

Onkur av uppskotunum hjá arbeiðsbólkinum eru umstrídd. Eitt nú verður spurnartekin sett við, um fiskavirkisskipanin undir ALS skal avtakast, og um Heilsuskúlin í Suðuroy skal hava eina deild norðanfyri:

Uppskotini hjá arbeiðsbólkinum verða nú latin politisku skipanin at viðgera.