SSL bundið seg at gjalda advokatútreiðslurnar hjá Hilmari Eliasen

SSL bundið seg at gjalda advokatútreiðslurnar hjá Hilmari Eliasen
Fráfaringaravtalan millum Hilmar Eliasen og SSL staðfestir, at SSL hava bundið seg til at gjalda advokatútreiðslurnar hjá fyrrverandi stjóranum
Fyrrverandi SSL-stjórin, Hilmar Eliasen
Mynd: Savnsmynd  
 
12.04.2022 - 07:41

Umframt løn fyri tað, sum eftir er av árinum, hava Strandfaraskip landsins eisini bundið seg til at gjalda advokatútreiðslurnar, 15.000 kr, umframt meirvirðisgjald, nú Hilmar Eliasen fer frá sum stjóri í Strandfaraskipum landsins.

Strandfaraskip landsins hava í fráfaringaravtaluni harafturat bundið seg til at gjalda fyri sálarfrøðing ella annan ráðgeva, í mesta lagi 6.000 kr.

Setanaravtalan hjá Hilmari Eliasen, sum varð gjørd 4. mai í 2017, er søgd upp og fer úr gildi 1. mai í ár.

Hilmar Eliasen er nú fríttstillaður, men skal vera til taks til 1. juli sum ráðgevi og svara spurningum um mál, sum hann hevur arbeitt við til 21. februar í ár.

 

Fráfaringaravtalan millum Hilmar Eliasen og SSL

 

Mótrokna í fráfaringarlønini

Fær Hilmar Eliasen annað starv hjá landinum, verður fráfaringarlønin mótroknað, tó ikki fyri mai, juni og juli.

Ikki fæst at vita, um Hilmar Eliasen hevur sagt upp ella er uppsagdur.

Hilmar Eliasen hevur tagnarskyldu sambært fráfaringaravtaluni, sum er í trúnaði.

Jóhan Petur Abrahamsen, rakstrarleiðari, er nú virkandi stjóri hjá Strandfaraskipum landsins.
 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652