Fyrsti háskúlaleiðarin í Nesvík

Háskúlin í Nesvík hevur fingið sín fyrsta leiðara, skrivar heimasíðan hjá Nesvík.

Hann eitur Tummas Kannuberg og er úr Leirvík.

Tummas Kannuberg gjørdist cand. theol. í januar 2021 í Keypmannahavn og fór síðani á pastoralseminarium og fekk endaligt prógv í summar. 

Frá august í fjør til og við mars í ár var hann námslektari í kristnikunnleika og átrúnaði á Námsvísindadeildini á Fróðskaparsetrinum.

Háskúlin í Nesvík fer eftir ætlan at taka fyrstu næmingarnar í august.

Háskúlaskeiðið er fimm mánaðir.