900 sivilfólk deyð

Í minsta lagi 900 sivilfólk eru funnin deyð nærhendis ukrainska høvuðsstaðin, Kyiv. 

Ukrainska løgreglan sigur við tíðindastovuna AP, at deyðu fólkini eru skotin og síðani funnin, eftir at russarar tóku seg aftur úr økinum.

- Út frá tí vit vita, mugu vit ganga út frá, at vanlig fólk eru blivin avrættað á gøtuni undir russisku hersetingini. Tað sigur Andrij Nebitov, sum er økisleiðari hjá løgregluni í Kyiv.

Myndugleikarnir í Ukraina siga, at 400 av teimum dripnu eru funnin í býnum Butja. Har eru fólk funnin á gøtuni, í vanligum klæðum og við hondunum bundnum. Og síðani eru fleiri hópgrøvir komnar undan kavi í Butja.

Russland vísur aftur, at russiski herurin hevur framt krígsbrotsverk í Ukraina.