Bretar tiknir í Ukraina

Tveir sjálvbodnir bretar, sum russiskir hermenn hava tikið á hermótinum í Ukraina, eru vístir fram í almennum russiskum sjónvarpi, skrivar Reuters. Tað er óvist, um teir báðir kríksfangarnir, Shaun Pinner og Aiden Aslin, vóru tvingaðir at siga ymiskt í sjónvarpinum, men ein maður var saman við teimum á myndini. Í brotinum biðja hermenninir Boris Johnson, forsætisráðharra, um at hjálpa til, so teir verða lætnir leysir í býti við ukrainska andstøðupolittikaran, Viktor Medvedchuk, sum er vinmaður við Putin, forseta, og sum er ákærdur fyri landasvik í heimlandinum. Ukraina hevur eisini almannakunngjørt eitt sjónvarpsbrot í dag, har Medvedchuk, biður um at verða latin leysur í býti við ukrainskar hermenn og sivilfólk í Mariupol. Heldur ikki í tí brotinum er greitt, um hann sjálvur eigur orðini, ella um hann er tvingaður at biðja um at vera latin í býti fyri onnur, skrivar Reuters.