Nógv í Moskva missa arbeiðið

Nógv í Moskva missa arbeiðið
Helst fara minst 200.000 fólk, sum starvast hjá útlendskum fyritøkum at missa arbeiðið, skrivar borgarstjórin.
 
18.04.2022 - 13:08

Umleið 200.000 fólk í Moskva fara at missa arbeiðið, eftir at útlendsk feløg hava minkað um sítt virksemi í Ruslandi, ella hava tikið seg úr landinum. Tað skrivar borgarstjórin í Moskva, Sergej Sobjanin, á síni heimasíðu, sambært Ritzau.

Innrásin í Ukraina er orsøkin til, at fyritøkur í vesturheiminum hava valt at minka um sítt virksemi í Ruslandi, ella at taka seg úr landinum. Borgarstjórin skrivar, at ein ætlan fyri 283 milliónir kr. er gjørd, sum skal tryggja fólkinum í høvuðsstaðnum arbeiði.

- Pengarnir eru fyrst og fremst ætlaðir teimum, sum missa arbeiðið hjá útlendskum feløgum, tí feløgini hava minkað um virksemið, ella tí fyritøkurnar rýma úr Ruslandi, sigur Sobjanin. Tey, sum missa arbeiðið, kunnu fáa løn við m.a. at arbeiða í almannagagnligum virksemi, ella í viðarlundunum í býnum, sigur Sergej Sobjanin.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565