FSF skal hava nýggjan forseta

Síðani 2010 hevur Christian Andreasen verið FSF-forseti, men tað er skjótt ein saga blot. 

FSF skal hava nýggja forseta, tí Christian Andreasen hevur í skrivi í dag boðað feløgunum frá, at hann leggur frá sær sum forseti í Fótbóltssambandinum í seinasta lagi á aðalfundinum í februar næsta ár.

Tað skrivar in.fo í morgun.

Christian Andreasen var í mars valdur til formann í Fólkaflokkinum. Hann hevur í tí sambandinum sagt, at hann eisini mátti umhugsa sína støðu í øðrum virksemi.

Christian Andreasen sigur í stuttari viðmerking við útvarpið í dag, at feløgini nú mugu taka støðu til, um tey vilja hava ein nýggjan forseta skjótt, og so verður eini eykaaðalfundur, sum kann velja nýggjan forseta, ella um tey bíða til regluliga aðalfundin næsta ár at velja nýggjan forseta.