Fingu væl av toski á Føroyabanka

Triðja árið á rað vísir váryvirlitstrolingin á Føroyabanka væl meira av toski enn tað, sum var vanligt frá 2006 til 2019.

Tað skrivar Havstovan á síni heimasíðu. 

Hetta var bert stórur vælvaksin gýtandi toskur.

Havast skal tó í huga, at tað var lítið at fáa av toski í yvirlitstrolingini í september 2021 og tí er framvegis óvist, hvussu nógv er til av toski á Føroyabanka.

Hinvegin er eingin ivi um, at tað er nógv av hýsu á Føroyabanka. Sera nógv var at fáa av hýsu, bæði stórari og smáari.

Nøgdirnar av upsa vóru munandi størri enn undanfarin ár og talan var um stóran upsa, skrivar Havstovan