Svikaðu fyri 3,7 mia. kr. í bitcoins

Eitt risastórt mál um svik við bitcoins, og øðrum kryptogjaldoyrum, er nú komið undan kavi.

Sambært týsku ákærumyndugleikunum, hevur eitt altjóða netverk svika fyri meir 500 mió evrir, tað eru áleið 3,7 milliardir krónur.

Sambært Europol, er svikið framt við at geva fólkum skeiv íløguráð, við at siga fólkum, at tey settu penging í kryptogjaldoyra Bitcoin.

Fólkini rindaðu pening á ymsar heimasíður, sum brotsfólkini skipaðu fyri, í trúnni, at tey gjørdu íløgur í kryptogjaldoyra.

Íløgur, Bitcoin

Gjørt húsarannsóknir

Týska politiið og europol gjørdu í heyst húsarannsóknir ymsastaðni í Evropa - millum annað í høvuðsstaðnum í Bulgaria, Sofia. Har vóru um 100 fólk í einari telefonmiðstøð, sum ringdu til fólk kring evropa og søgdu seg vera íløguráðgevar.

Sambært heimasíðuni hjá danska kringvarpinum eru tað møguliga 10 túsundatals fólk, sum eru vorðin snýtt í hesum málinum, harav danska løgreglan íløtuni kannar 48 tilburðir um svik, sum møguliga hava samband við altjóða netverkið í Danmark.

Torben Nielsen

- Tað hevur verið eitt sera effektivt og umfatandi svik av brotsfólkunum, sum hava sannført hesi fólkini at gera íløgur í kryptogjaldoyra. Tað sigur Torben Nielsen, KT-trygdarserfrøðingur.

Hava fólk keypt sær kryptogjaldoyra, so er skipanin í høvuðsheitum trygg, so leingi tey ansa eftir loyniorðum, sigur Torben Nielsen

Kryptogjaldoyru eru ikki tengd at nøkrum landið, og eru ikki til sum veruligt gjaldoyra, men eru bert til í teldum.

Segði Torben Nielsen, KT-trygdarserfrøðingur.

Politiið í Føroyum er ikki vitandi um, at føroyingar hava verið partur av stóra málinum um svik við íløgum í kryptogjaldoyru, men kennir tó til onnur mál, har fólk vera lokkað at gera íløgur á netinum.