16 umsøkjarar fingu pengar til filmsgerð

31 umsóknir komu, og 16 fingu pengar.

Søkt var um 5,9 mió. kr. Latnar eru 1,8 milliónir.

Talan er um fyrra umfar í ár, nú Mentamálaráðið letur stuðul til film. 

Størsta stuðulin fingu Kykmyndir hjá Jón Hammer, 450.000 kr., til spælifilmin The Last Paradise on Earth eftir Sakaris Stórá.

Seinna umfar í juli

3,5 mió. kr. eru at lata til filmsgerð í ár. 

Seinna stuðulsumfar verður lýst í juli. Freistin at søkja er til 1.september.

Stuðul verður latin til hugskotsmenning, framleiðslu og útbreiðslu. 

Talan er um heimilidarfilmar, stuttfilmar og spælifilmar.