- Tíðindi, mentan og ítróttur
Arbeiða enn við fullum limaskapi í Norðurlandaráðnum
Arbeiða enn við fullum limaskapi í Norðurlandaráðnum
Fortreytirnar eru, at øll tey fimm Norðurlondini, sum eru sjálvstøðug, vilja broyta Helsingforssáttmálan, sigur landsstýrismaðurin
At fáa fullan limaskap í Norðurlandaráðnum er ein tungur burður, men arbeitt verður framvegis við málinum.
05.05.2022 - 15:10
Arbeitt verður enn við spurninginum um fullgildugan føroyskan limaskap í Norðurlandaráðnum og í norðurlendska ráðharraráðnum.
Fyri at Føroyar skulu fáa fullgildugan limaskap skal Helsingforssáttmálan broytast.
Kaj Leo Holm Johannesen landsstýrismaður, sigur í svari til Bjarna Kárason Petersen, løgtingsmann, at arbeitt verður miðvíst fyri at vinna Føroyum fullgildigan limaskap í Norðurlandaráðnum og norðurlendska ráðharraráðnum.
Fortreytirnar eru, at øll tey fimm Norðurlondini, sum eru sjálvstøðug, vilja broyta Helsingforssáttmálan.
Ein annar spurningur er, um bæði Føroyar og Danmark kunnu vera sjálvstøðugur sáttmálapartur í Helsingsforssáttmálanum.
Helsingforssáttmálin skal kanska broytast í sambandi við, at norðurlendska samstarvið um tilbúgving og veitingartrygd skal styrkjast.
Bjarni Kárason Petersen spurdi Kaj Leo Holm Johannesen, landsstýrismann, um limaskapin í Norðurlandaráðnum. (Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
