Landsverk: Ov tíðliga at stovna felag til Suðuroyartunnil

06.05.2022 - 08:48
AktueltSamfelag
Landsverk: Ov tíðliga at stovna felag til Suðuroyartunnil
Eitt alment partafelag er ein sjálvstøðug løgfrøðilig eind, sum bara hevur til endamáls at verja egin áhugamál, sigur Landsverk
Landsverk hevur mælt løgtinginum til at játta pening til Landsverk at gera forkanningarnar av nýggjari farleið til Suðuroyar lidnar fyrst.
Mynd: Savnsmynd  
 

Tað er ov tíðliga at stovna alment partafelag, sum skal reka og byggja undirsjóvartunnil til Suðuroyar. 

Landsverk hevur mælt løgtinginum til at játta pening til Landsverk at gera forkanningarnar av nýggjari farleið til Suðuroyar lidnar fyrst.

Saman við øllum viðkomandi stovnum og ráðgevum vil Landsverk á tann hátt kunna kanna og fyrireika verkætlanina, so støða kann takast til, um verkætlanin skal fremjast, og á hvønn hátt.

Tað sigur Landsverk í frágreiðing um Suðuroyartunnilin.

Les frágreiðingina her

 

Bæði fyrimunir og vansar

Landsverk sigur, at leisturin við almennum partafeløgum, sum byggja undirsjóvartunlar, hevur eyðsýndar fyrimunir, tá ræður um fígging og møguleikan at áseta brúkaragjøld.

Men vansar eru eisini, tá talan er um viðurskifti, sum viðvíkja almenninginum í Føroyum.

Eitt alment partafelag er ein sjálvstøðug løgfrøðilig eind, sum bara hevur til endamáls at verja egin áhugamál. 

Hetta kemur til sjóndar í sambandi við alment innlit í millum annað rakstrar- og fíggjarroknskapir, sigur Landsverk.

 

Fleiri kanningar lidnar

Samfelagsligu, búskaparligu og umhvørvisligu forkanningarnar av einari nýggjari suðuroyarleið eru lidnar og latnar landsstýrismanninum í fíggjarmálum, sigur Landsverk. 

Enn eru jarðfrøðiligu kanningarnar ikki lidnar, trygdarspurningurin skal avgreiðast og enn er eingin støða tikin til linjuføring.

Allar forkanningar skulu vera almennar, ikki í einum partafelagi, tí so hevur almenningurin atgongd til tær, sigur Landsverk.

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750