Skulu hava tilhaldstað og øðrvísi rúsviðgerðartilboð

-Vit skulu hava eitt rúmligt tilhaldstað og øðrvísi rúsviðgerðartilboð, um vit skulu lofta teimum ungu, sum hava umfatandi sálarligar, sosialar og rúsevnistrupulleikar. 

Tað sigur Magni Højgaard, leiðari í tvørgeiðraliga samstarvinum, RÓWT, sum júst hevur handað landsstýrinum eitt álit.

Sambært álitinum frá RÓWT verður eitt tilhaldsstað møguliga staðsett í miðbýnum í Havn í einum bygningi, sum skal leigast frá Frelsunarherinum.