Boris Johnson til Svøríkis og Finnlands

Bretski forsætisráðharrin, Boris Johnson, fer í morgin á vitjan í Svøríki og Finnlandi. 

Tað skrivar finska tíðindastovan, STT.

Hvørki finskir, svenskir ella bretskir myndugleikar hava higartil váttað upplýsingarnar.

Í síðstu viku var bretski verjumálaráðharrin, Ben Wallace, í Finnlandi í sambandi við, at Finnland umhugsar at søkja um limaskap í Nato. 

Hann vissaði tá um, at Bretland fer at verja bæði Finnland og Svøríki, um eitt russiski álop skuldi komið,  sama um londini eru limir í Nato alla ikki.

Trygdarpolitiska støðan er orsøkin til, at Johnson so brádliga vitjar í londunum, skriva finskir miðlar.