Skiparin á Borgaranum slapp undan revsing

Rætting til tíðindini í morgun um Norðing, dagførd kl. 14.30:
 
Tað var skiparin, sum í 2017 var á Borgaranum - og ikki tann á Norðingi, sum vit søgdu í morgun -  sum slapp undan revsing, hóast hann var funnin sekur í at bróta lógina um vinnuligan fiskiskap.

Orsøkin var, at málið er so gamalt. Tað er frá 2017.

Skiparin var ákærdur fyri at geva Vørn skeiv tøl um hjáveiðu.

Sektin fyri slíkt brot er vanliga 25.000 kr.

Men av tí at fimm ár eru farin, var kravið hjá ákæruvaldinum 10.000 kr.

Føroya rættur segði, at eingin sekt skal gjaldast, hóast skiparin á Borgaranum er sekur, men talan var um ósketni. Og statskassin rindar sakarkostnaðin, 15.000 kr.