Ivasemi um NATO limaskap

Ivasemi um NATO limaskap
Hóast Finnland í gjár læt væl at vánunum fyri, at bæði Svøríki og Finnland fara at fáa limaskap í NATO innan leingi, eru svenskarar ikki so bjartskygdir.
 
29.05.2022 - 11:46

Reuters-tíðindastovan veit frá svenskum keldum at siga, at tingingarnar millum Svøríki og NATO síðstu dagarnar einki hava flutt.

Ikki ger tað støðuna frægari, at turkiskir miðlar hava skírt svenskar politikarar við kurdiskari bakgrund fyri at hava samband við kurdiska loysingarfelagsskapin, PKK, sum verður mettur sum ein yvirgangsfelagsskapur.

Ein teirra er svenska ES-tingkvinnan, Evin Incir, úr svenska javnaðarflokkinum, ið saman við fýra øðrum verður løgd undir at hava stríðst fyri PKK.

- Eg eri bæði sárað og óð um hesar lygnirnar, ið verða førdar fram, tí tær kunnu ikki góðtakst, sigur hon við svenska útvarpið.

Eisini svenski uttanríkisráðharrin, Ann Linde, vísir avgjørt turkisku skuldsetingunum aftur:

- Hetta eru álvarsligar ákærur, sum eru ógrundaðar, tí harðskapur og yvirgangur eigur einki pláss í okkara demokratiska samfelag, skrivar hon á Twitter.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214