Húsarhaldsskúlin verður dýrari enn mett

Húsarhaldsskúlin í Klaksvík er sambært tilboðunum dýrari enn kostnaðarmetingin sigur.

Tí er arbeiðið ikki byrjað.

Elsebeth Mercedis Gunnleygsdóttir, løgtingskvinna, spurdi, hví spakin ikki settur í har, sum Húsarhaldsskúlin skal byggjast.

Jenis av Rana, landsstýrismaður, svarar, at byggingin hevur ikki fingið tilsøgn um stuðul úr landsstýrinum.

Landsstýrismaðurin hevur fingið loyvi til at lata 21 mió. kr. í stuðli.  

Nýggi húsarhaldsskúlin - innan og uttan

Nýggi húsarhaldsskúlin í Klaksvík verður dýrari enn mett, og skal verkætlanin fremjast, mugu fleiri pengar játtast.

Neyðugt at broyta lógina

Hetta er ov lítið. Neyðugt verður at broyta heimildarlógina, um verkætlanin skal fremjast fyri nýggja kostnaðin.

Umframt endaliga byggikostnaðin eru onnur ivamál, sum Uttanríkis- og Mentamálaráðið vil hava fulla greiðu á, áðrenn tilsøgn um stuðul verður givin. 

Elsebeth Mercedis Gunnleygsdóttir spurdi 6.apríl um húsarhaldsskúlan.

Tá svaraði Jenis av Rana, at spakin bleiv settur í skjótt.