Arbeiðsbólkur: Føroyar verða ikki grønar í 2030

Føroyar skulu verða grønari og burðardyggari.

Tað krevur eina burðardygdarstrategi.

Og ein partur av henni er at ásanna, at Føroyar ikki verða grønar á landi í 2030, sum upprunaliga ætlað.

Tað heldur Hendrik Egholm, sum hevur verið formaður í grøna arbeiðsbólkinum í Vakstrarforum:

Hendrik Egholm

Hendrik Egholm hevur verið formaður í grøna bólkinum í Vakstrarforum.

CO2-avgjald avloysa oljuavgjaldið

Tað er skynsamt, moralskt rætt og umráðandi at fáa eitt grønari samfelag, verður sagt.

Í frágreiðingini "Grønari hinumegin" verður mælt til at fáa eitt atferðarbroytandi CO2-avgjald, júst sum í grannalondunum.

CO2-avgjaldið skal avloysa oljuavgjøldini.

Inntøkurnar skulu so markast til at skunda undir grøna skiftið.

Eisini verður mælt til beinanvegin at kanna, hvussu elskipanin kann umskipast, so privatar fyritøkur kunnu framleiða meira grøna orku.

Orkan skal flytast gjøgnum netið hjá SEV fyri at fremja kapping og innovatión.

Herfyri var semjuskjal annars undirskrivað um bygnaðin á elorkuøkinum:

Styrkja eftirlitið

Frágreiðingin snýr seg um burðardygd í breiðum høpi.

Viðvíkjandi umhvørvisligari burðardygd er eitt av tilmælunum at styrkja eftirlitið við fiskiskapi.

Tað er fyri at tryggja, at allar reglur verða hildnar: