Ráðførsla um makrelkvotuna

Limirnir í Uttanlandsnevndini hava fingið fundarboð fyrrapartin til ráðførslu við Árna Skaale, landsstýrismann í fiskivinnumálum. 

Evnið fyri fundin er at áseta føroysku makrelkvotuna í ár. 

Árni Skaale segði við útvarpið fyrst í juni, at føroyska makrelkvotan fyri 2022 verður ásett hálvan juni, ella stutt eftir tað. Tá varð bíðað eftir, hvat norska kvotan verður.

Greitt er, at londini kunnu ikki semjast um býtið í ár, men í desember í fjør samdust strandarlondini um at fiska tilsamans 795.000 tons av makreli í ár.