Smyril Line byggir nýtt høvuðssæti á molanum

21.06.2022 - 12:45
AktueltSamfelag
Smyril Line byggir nýtt høvuðssæti á molanum
Nýggi bygningurin verður 8.000 fermetrar, og hann skal eftir ætlan vera liðugur í fyrru helvt av 2024
Soleiðis fer nýggja høvuðssætið hjá Smyril Line á molanum í Havn at síggja út.
Mynd: Søfart  
 

Smyril Line skal byggja nýtt høvuðssæti í høvuðsstaðnum. 

Tað váttar Jens Meinhard Rasmussen, stjóri í Smyril Line, fyri danska blaðnum Søfart. 

- Vit hava havt plásstrot í fleiri ár, við tí úrsliti, at okkara virksemi er í trimum ymiskum bygningum í Havn, sigur hann við blaðið.

Við nýggja bygninginum, sum sambært ársfrágreiðingini fyri 2021 verður reistur á molanum, er ætlanin at miðsavna alt virksemið. 

- Tað er serliga farmavirksemið, sum hevur ov lítið pláss, og nú savna vit alt virksemið á einum staði. Og við hjálp frá arkitektum fáa vit ein bygning, sum gerst eitt eyðsýnt býarmerki fyri havnarlagið, sigur  Jens Meinhard Rasmussen við Søfart.

 

Jens Meinhard Rasmussen er stjóri í Smyril Line. (Mynd: Bjarni Árting Rubeksen)

 

8.000 fermetrar

Í stuttari viðmerking við útvarpið sigur Jens Meinhard Rasmussen, at nýggi bygningurin er ein nýggjur ferðafólkaterminalur, pakkhús og skrivstovubygningur. 

- Bygningurin verður prosjekteraður í løtuni, so enn kenna vit ikki endaliga kostnaðin, men hann verður 8.000 fermetrar, sigur Jens Meinhard Rasmussen. 

Miðað verður eftir at flyta í nýggja bygningin í fyrru helvt av 2024. Ósbjørn Jacobsen, arkitektur, teknar bygningin. 

Smyril Line hevði 16 milliónir kr. í avlopi í fjør. 

549 fólk starvast hjá samtakinum.

Er kopiera
Nýggjastu sendingar í ÚV
Sunnudag 14. august
Guðstænasta í Nólsoyar kirkju
143303
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750