Eitur nú Bakkafrost Scotland

The Scottish Salmon Company, sum Bakkafrost keypti í 2019, eitur nú Bakkafrost Scotland.

Navnabroytingin fer at stuðla undir, at Bakkafrostsamtakið virkar sum eitt felag við aling í tveimum londum, at málini um burðardyggan vøkstur verða rokkin og framsøknu íløguætlarnirnar verða framdar, sigur Bakkafrost.

Sum liður í fimm ára burðardyggu íløguætlanini, fer Bakkafrost at gera íløgur fyri 6,2 milliardir krónur fyri at økja um burðardyggu framleiðsluna meira enn 40 prosent. 

Ein stórur partur verður gjørdur í Skotlandi.

Bakkafrost metir, at framvegis eru nógvir ónýttir møguleikar í skotsku alivinnuni fyri at skapa burðardyggan vøkstur, betra raksturin og førleikamenna. 

Stív 600 fólk arbeiða hjá Bakkafrosti í Skotlandi. Bakkafrost hevur yvir 60 aliøki í Skotlandi.