BankNordik og Betri eru framvegis SIFI-bankar

Teir báðir peningastovnarnir í Føroyum, sum eru tilnevndir at vera SIFI-peningastovnar, eru tað framvegis, sigur danska fíggjareftirlitið.

BankNordik og Betri banki eru framvegis so týðandi fyri samfelagið, at teir kunnu ikki fara av knóranum.

Krøvini til SIFI- stovnarnar eru hørð.

Fíggjareftirlitið kannar hvørt ár, um peningastovnar lúka allar treytir fyri at vera SIFI-stovnar. 

Tað er aftur gjørt nú, og niðurstøðan er, at báðir peningastovnarnir lúka treytirnar.

Betri Banki, Betri samtakið

Og Betri banki er eisini framvegis SIFI-banki.

Stórur javni

Sambært fíggjareftirlitinum var javnin hjá BankNordik 55,6 prosent av føroysku bruttotjóðarúrtøkuni. 

BankNordik hevði 41,3 prosent av øllum útlánum í Føroyum og 37,2 prosent av innlánunum.

Betri banki hevði størri innlán enn útlán. Bankin hevði 42,7 prosent av útlánunum í fjør og 45,7 prosent av innlánunum.

Javnin hjá Betri banka var 49,4 prosent av BTÚ.