Fuglakrím eisini staðfest hjá súluni

Fuglakrím er nú staðfest hjá súlu í Føroyum. Sjúkan er eisini staðfest hjá øðrum fuglasløgum ymsastaðni í landinum.

Heilsufrøðiliga Starvsstovan kannaði í mai og juni 20 fuglar, teir flestu eru skúgvar. Hinir fuglarnir eru súla, svartbakur, terna, havhestur, rita og dúgva.

Fuglakrím var funnið í níggju skúgvum, tveimum svartbakum og tveimum súlum. 

Fuglarnir vóru í Skúvoy, Suðuroynni, Vágoynni, Streymoynni og Eysturoynni.