Ávara móti at lata kjarnorkuverk aftur

Fatih Birol, sum er stjóri í altjóða orkustovninum, IEA, sigur, at útlit eru til, at Russland fer at steingja fyri allari gassveiting til Evropa, tá veturin stundar til. Tí eiga londini at fyrireika seg til tað, sigur hann við Financial Times.

Ávaringin er serliga vend ímóti Týsklandi, sum hevur boðað frá, at øll kjarnorkuverk í landinum verða latin aftur í hesum árinum. Og hóast kríggj er í Ukraina, so er tann avgerðin ikki broytt.

Fatih Birol, stjóri í IEA, sigur, at eingi lond eiga at lata kjarnorkuverkini aftur, sum støðan er, tí tað kann koma teimum aftur um brekku.

Birol heldur, at tað kann illa góðtakast, at nøkur lond í Europa hava gjørt av at lata illa dálkandi kolaverkini aftur, tí tey eru neyðug fyri at nøkta orkutørvin, og so mugu fólk gera sær greitt, at talan er um eina fyribilsloysn fyri at nøkta orkutørvin.