Hasfjord aftur í sigling

Strandfaraskipið, Hasfjord, fer nú aftur í sigling um Skopunarfjørð. 

Hasfjord fekk eitt traktordekk um skrúvuna 10. mai, og skipið var eftir tað tikið úr siglingini, tí koblingin mátti skiftast.

Stjórin á Strandferðsluni segði við útvarpið í seinastu viku, at tá ið skipið var royndarsiglt og klassin hevði góðkent tað, kundi tað eftur setast í sigling.

Nú Hasfjord aftur fer í sigling, verður farið aftur til vanligu ferðaætlanirnar á leiðunum um Skopunarfjørð, sigur Strandferðslan.