SAS strikar 1700 fráferðir

SAS strikar 1700 fráferðir
Samskiftisleiðarin hjá flogfelagnum sigur, at SAS vantar fólk eftir verkfallið. Eingi boð eru komin um, at Føroyaleiðin verður rakt
Vága floghavn hevur eingi boð fingið um, at avgerðin um at avlýsa fleiri flogferðir í heyst, fer at raka Føroyaleiðina.
 
19.08.2022 - 09:04

SAS strikar 1.700 fráferðir í heyst sum avleiðing av verkfallinum í summar, men boð eru ikki komin um broytingar í Føroyaflúgvingini, sigur Regin I. Jacobsen, stjóri í Vága Floghavn.

Sambært netmiðilinum check-in.dk eru tað fráferðir í september og oktober, sum flogfelagið strikar, skrivar Ritzau. 

300 fráferðir eru úr Kastrup í Keypmannahavn. 

- Vága Floghavn hevur ikki fingið nøkur boð frá SAS um ætlaðar broytingar á Føroyaleiðini, og sum vit duga at síggja, eru ongar gjørdar, sigur Regin I. Jacobsen, stjóri.

Sambært samskiftisleiðarinum hjá SAS, Alexandru Lindgren Kaoukji, vantar SAS fólk eftir verkfallið í summar.

- Talan er ikki um vantandi eftirspurning, tvørturímóti. Men verkfallið ger tað trupult at manna størvini næstu mánaðirnar, tí tað ikki hevur borið til hjá starvsfólki at halda frí, sigur hon við check-in.dk.
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214