Hondbólturin byrjar við Lionsbikarinum

Hondbóltsárið byrjar um vikuskiftið, tá dystirnir um Lionsbikari eru á skránni.

Hjá kvinnum spæla meistarin, H71, ímóti steypavinnarunum úr Kyndli, meðan greipuvinnararnir hjá monnum, H71, skulu dystast ímóti KÍF, sum tapti í FM-finalunum síðsta kappingarár. 

Dystirnir eru sunnudagin 4. september í Hoyvíkshøllini.

Lions Club í Føroyum skipar fyri dystunum saman við Hondbóltssambandi Føroya, og sum vant verður eitt vælgerandi endamál stuðlað. 

Hesaferð er tað áhugafelagið, Hoyr, sum fær ágóðan av dystunum. Hoyr arbeiðir fyri hoyrnina í breiðastu merking og at betra dagligu umstøður teirra, ið hava niðursetta hoyrn.